2024/25 ikasturtean, berrikuntza bat dakar Allende Salazar Herri Eskolak: komunikazio arduradun bat dauka. Horrez gain, eskolaz kanpoko jardueren kordinatzaile ere bada pertsona bera. Hemen duzue bere aurkezpena.
24/25 ikasturte honek bere bidea hartuta duelarik, aurpegi berriak ezagutzen jarraitzeko txanda da. Oraingo honetan, Guraso Elkarteak antolatzen dituen eskolaz kanpoko jardueretako kordinatzaile eta eskolako komunikazio arduradun den Gontzal Mendibe aurkeztuko dizuegu.
Eskolaz kanpoko jarduerei dagokionez, horiei dagokien kudeaketak egiteaz arduratzen da; alta/bajetaz arduratu, dudak erantzun, irakasleen nahiak zabaldu, edota gurasoen eskaerak zabaltzen ditu, besteak beste.
Eskolaz kanpoko jarduerei lotutako edozein kudeaketa egin nahi duenak, berarekin harremanetan jartzeko hainbat bide ditu. Presentzialtasuna bermatu nahi duenak, idazkaritza ondoko bulegoan aurkituko du Gontzal; 10:00-15:00 bitartean egoten da, ordutegi hori arduren arabera aldatzen den arren. Telefono bidez nahiago duenak, 688 63 04 75 zenbakia dauka eskuragarri, eta helbide elektronikoa erabili nahi duenarentzat, allendeeskolazkanpokoak@gmail.com helbide elektronikora idatz dezake.
Komunikazio ardurei dagokienez, barne-komunikazio sustatzeaz gain, eskolako webgunea kudeatzeaz, sare sozialak ekoizteaz edota prentsarekin harremana sendotzeaz arduratzen da.
Beraz, badakizue. Aipatutako errametako batean dudarik izanez gero, ez ezazue birritan pentsatu, eta idatz iezaiozue.
Besarkada bat,
Guraso Elkartea.