2023-2024 ikasturtean, ilusioz betetako zuzendaritza proiektu sendoa jaio da eskola komunitateko erronkei aurre egiteko asmoarekin.
Proiektu honen zutabea ikasleen ongizatea da eta egungo gizarteko erronkei aurre egiteko prestatzea. Horretarako irakaslegoaren formakuntza ezinbestekoa da eta egunerokotasunean ikasleek erabiltzen duten materialaren berritzeko tarteak eskaintzea.
Hau guztia lortzeko egungo ordutegian aldaketak egitea ezinbestekoa ikusten dugu:
• Irakaslegoaren formazioa ahalik eta era egokienean eta esanguratsuenean bideratzeko.
• Ikasleen hezkuntza kalitatea indartzeko eta sendotzeko.
• Ikasleek erabiltzen duten egunerotasuneko materialaren
inguruan hausnarketa eta berrikuntza prozesua burutzeko.
• Irakasle etorri berriei Amara Berri Sistemak dakartzan oinarri pedagogikoak azaltzeko tartea izateko.
• Eskola mailan martxan jartzen ditugun lan taldeak era esanguratsuagoan aurrera eramateko aukera izateko.
ORDUTEGI BERRIAK EKARRIKO DITUEN ALDAKETAK
• Asteazken arratsaldetan, ikasleen beharrizanei eta ikas-komunitatearen erronkei aurre egiteko 2 orduko tarte eraginkorra sortuko da. Klaustro guztiko irakasleak lan taldeetan antolatuko gara.
• Ikasleek astean 20 minutu gehiago emango dituzte eskola orduetan. Irakasleek eta umeek urtean legeak agintzen dituen ordu berdinak emango dituzte (875h)
• Jantokian gelditzen diren umeak asteazken arratsaldeetan etxera joango dira 15:10ean. Asteazken arratsaldean (eskabiderik balego) zaintza zerbitzua eskainiko litzateke 16:30arte. Zaintza honek hilabetean 10-15€ inguruko prezioa izango luke.
• 2 urtekoen gelan dagoen malgutasuna eta berezitasunak berdin mantentzen dira. Iraileko egokitzapena, sarrera, irteerak…
• Ordutegi berri honek ikasturte orokorreko egutegian ez zuen aldaketa esanguratsurik ekarriko goizeko jardunari zein ikasturteko zubiei dagokionez.