Jantokia

Jantoki eta elikadura proiektu erreferentea daukagu Euskal Herri mailan. Jantoki eredu hau 2016an jarri genuen martxan Eusko Jaurlaritzaren proiektu pilotu baten baimenarekin.

Jantokia Gurasoek kudeatzen dugu, Zuzendaritza, hezitzaile eta sukaldariekin elkarlanean. Baserritar, agro-ingeniari, nutrizionista, sukaldari eta hainbat adituz inguratu gara proiektua garatzeko. Horrez gain, Guraso elkarteak pertsona bat kontratatu du proiektua koordinatzeko: Olate Arrate.

Gure jantoki eredua aitzindaria da euskal herri mailan. Osasuntsua, bertakoa, bidezkoa eta jasangarria da.

Helburuak:

Gure umeek elikagai osasuntsuak bazkaltzea.
Bertoko ekonomia bultzatzea eta nekazariak babestea.
Ingurumenarekiko errespetua.
Gurasoek seme-alaben elikaduran parte hartzea.

Emaitzak:

Elikagaien kalitatea hobetu da.
Umeek hobeto jaten dute.
Familien asebetetze maila oso altua da.
Esperientziak bideragarriak dira ekonomikoki eta operatiboki.
Eragin positiboa izan dute lehen sektorean.
Baserritarrek ordainsari justuak jasotzen dituzte eta euren bizitza-egoera hobetzen lagundu dugu.
Ingurumenarekiko errespetua duten elikagaiak kontsumitzen ditugu. Garaikoak, hurbilekoak eta kimiko gabe ekoiztutakoak.